Atzerrian egindako unibertsitate-ikasketen batez besteko noten baliokidetasuna

Prozedura honen bidez, atzerrian egindako unibertsitate-ikasketen eta tituluen batez besteko noten eskalak eta baliokidetasun-taulak aplikatuko dira, 2016ko martxoaren 21eko Ebazpena eta 2016ko uztailaren 21eko Ebazpena kontuan hartuta, eta Espainiako unibertsitateen kalifikazio-eskalaren baliokidea den batez besteko nota lortuko da. SIA kodea: 203615

Eskaerak aurkezteko epea: BETI IREKITA

 

INFORMAZIO OROKORRA

Deskribapena: Prozedura honen bidez, atzerrian egindako unibertsitate-ikasketen eta tituluen batez besteko noten eskalak eta baliokidetasun-taulak aplikatuko dira, 2016ko martxoaren 21eko Ebazpena eta 2016ko uztailaren 21eko Ebazpena kontuan hartuta, eta Espainiako unibertsitateen kalifikazio-eskalaren baliokidea den batez besteko nota lortuko da.

 

IZAPIDETZEA

Prozedurak hurrengo urratsak ditu:

  1. “Atzerriko ikastegietan egindako unibertsitateko ikasketa-espedienteen batez besteko noten baliokidetasuna” eskatzeko inprimakia ikasketa-espedientearen informazioarekin osatu behar da, eta egindako ikasketei dagokien kalifikazio-eskala aukeratzen da. Ondoren, jatorrizko eskalan jasotako kalifikazioen datuak eta Espainiako 5-10 eskalaren baliokideak diren kalifikazioak gehitu behar dira. Inprimakiak automatikoki kalkulatzen du ikasketa-espedientearen batez besteko azken nota.
  2. Prozesu hori bukatu eta gero, “Batez besteko notaren baliokidetasunaren deklarazioa” inprimatu ahal izango da, eskatu duen entitatearen aurrean aurkezteko (adibidez, ikasketetan, deialdietan eta lehiaketetan onartua izateko). Inprimakia betetzeko, batez besteko notaren baliokidetasunaren deklarazioa betetzeko jarraibideek ezarritakoari jarraituko zaio. Jarraibide horiek eskalen zerrenda gaurkotzen duen 2017ko irailaren 18ko Ebazpenaren II Eranskinean daude (ikusi "Horrekin lotutako informazioa" atalean pdf hau: "II eranskina. Jarraibideak baliokidetasunen deklaraziorako"). Horrez gain, Galdera ohikoenak dokumentua kontsulta daiteke (ikusi "Informazio orokorra” ataleko "Horrekin lotutako informazioa").
  3. Batez besteko notaren baliokidetasunaren deklarazioa bete eta gero, berehala deskargatu eta inprimatu ahal izango duzu. Inprimatutako “Batez besteko notaren baliokidetasunaren deklarazioa” dokumentuak EKS (Egiaztapen-kode Segurua) bat edukiko du, eta sinatu beharko da prozedura batean parte hartzeko interesdunari eskatu dion erakundearen aurrean aurkezteko (adibidez, ikasketetan, deialdietan eta lehiaketetan onartua izateko).
  4. Baliokidetasunaren deklarazioa prozeduren instrukzio-organoek berrikusiko dute, deklarazioak jasotako datuak egiaztatu eta balioa emateko. Eragina izateko, deklarazioarekin batera jatorrizko ikasketa-ziurtagiria edo bere fotokopia konpultsatua eta, hala badagokio, dagokion itzulpena entregatu beharko dira.
  5. Lotutako informazioa: 

 

KONTAKTUA

Prozedurari buruzko zalantzak hemen adieraz daitezke: notamedia.uni@universidades.gob.es

 

OHARRA: Prozedura honetan sartzean, aldi baterako beste erakunde baten egoitza elektronikora birbideratuko zaituzte.