Subsede electrónica

Descrición

Unha vez que os residentes finalizaron a formación e na avaliación final obtiveron a cualificación positiva, é necesario que se emita a «Orde de Concesión». Este trámite permite obter, en primeiro lugar, a Orde de concesión do título de Especialista en Ciencias da Saúde e, despois de pagar a taxa, tramitar a solicitude de expedición do correspondente título.

É moi importante coñecer os detalles do procedemento para completalo correctamente. Para iso, por favor, consulte no apartado «Instrucións para iniciar o trámite» como debe realizar os distintos pasos.

Destinatarios

Residentes que estean cursando actualmente e vaian finalizar o seu último ano de formación de especialista a partir de maio de 2020 nalgunha das especialidades en Ciencias da Saúde polo sistema de residencia ou alumnado que figura no anexo I do Real Decreto 183/2008, do 8 de febreiro.

Requisitos

Os residentes poderanse rexistrar na Sede Electrónica antes de finalizar o seu último ano de formación especializada sanitaria, pero non poderán obter a Orde de concesión do título de especialista ata que non completen a devandita formación na súa integridade de acordo cos programas de formación establecidos e ata que non superen con cualificación positiva as avaliacións previstas ó efecto.

Normativa

• LEI: Lei 44/2003, do 21 de novembro, de ordenación das profesións sanitarias.
• REAL DECRETO: Real Decreto 183/2008, do 8 de febreiro, polo que se determinan e clasifican as especialidades en Ciencias da Saúde e se desenvolven determinados aspectos do sistema de formación sanitaria especializada.
• ORDE: Orde ECD/855/2014, do 23 de maio, pola que se regula o procedemento para a obtención da orde de concesión e a expedición de títulos de Especialista en Ciencias da Saúde e pola que se establece a obrigatoriedade de comunicación a través de medios electrónicos para os interesados nos mesmos.

Máis Información

A iniciación do trámite de emisión da Orde de concesión producirase unha vez que as Comisións de Docencia lle comunicasen ó Ministerio de Sanidade, Consumo e Benestar Social as avaliacións finais para a súa inscrición no Rexistro Nacional de Especialistas en Formación e este Ministerio, á súa vez, llo notificase ó Ministerio de Universidades.

A data de efectos plenos do título de Especialista é a data de finalización do programa formativo (Referencia normativa: artigo 3.1.d) do Real Decreto 183/2008, do 8 de febreiro, na modificación realizada pola Disposición adicional terceira, do Real Decreto 1002/2010, do 5 de agosto).

Instrucións para iniciar o trámite

Siga estes pasos na orde que se indica a continuación para solicitar a Orde de concesión. Unha vez teña a Orde de concesión, poderá iniciar o trámite para a expedición do título de Especialista en Ciencias da Saúde (en ningún caso pode solicitarse a expedición antes de ter a Orde de concesión):

1. Inscribirse no procedemento (é moi importante que a solicitude quede en estado «confirmada»).
2. Esperar a recibir un correo electrónico avisando de que a Orde de concesión xa pode descargarse (este trámite depende das datas de recepción polo Ministerio de Universidades das comunicacións oficiais de finalización do período de formación, polo que se producirá aproximadamente a partir do mes de xullo).
3. Descargar a Orde de concesión na Sede Electrónica seguindo as indicacións do correo electrónico.
4. Unha vez obtida a Orde de concesión, poderá iniciar o trámite para a expedición do Título de Especialista de Ciencias da Saúde

Instrucións para residentes e alumnos que finalizaron a formación antes da convocatoria actual

• Residentes que finalizaron a formación especializada en calquera das convocatorias entre o ano 2014 e a actual e que fixeron a solicitude da Orde de concesión do seu título de especialista en liña vía Internet, pero nunca descargaron o pdf da Orde, non aboaron as taxas nin solicitaron a expedición do título, poden facelo en calquera momento. Para iso deben entrar na SEDE dende o seguinte enderezo https://sede.educacion.gob.es/portada.html e ir a “OS MEUS TRÁMITES”.
• Residentes que finalizaron a formación especializada en calquera das convocatorias entre o ano 2014 e a actual, pero que non fixeron a solicitude da Orde de concesión do seu título de especialista en liña vía Internet a través da SEDE, a concesión do título de Especialista en Ciencias da Saúde está publicada, dependendo da convocatoria, nunha das seguintes Ordes; se o seu nomeamento está nalgunha destas Ordes, pode proceder a tramitar a expedición do seu título. 
  • Orden UNI/822/2021, do 22 de xullo
  • Corrección de erros da Orde UNI/1270/2020, do 11 de decembro (BOE do 8 de xuño de 2021)
  • Corrección de erros da Orde UNI/1270/2020, do 11 de decembro (BOE do 30 de xaneiro de 2021)
  • Orde UNI/1270/2020, do 11 de decembro (BOE do 28 de decembro de 2020)
  • Corrección de erros da Orde UNI/528/2020, do 11 de xuño (BOE do 26 de decembro de 2020)
  • Corrección de erros da Orde CNU/901/2019, do 23 de xullo (BOE do 23 de novembro de 2020)
  • Orde UNI/528/2020, do 11 de xuño
  • Orde CNU/901/2019, do 23 de xullo
  • Orde CNU/864/2019, do 23 de xullo
  • Orde CNU/1211/2018, do 30 de outubro
  • Orde CNU/1210/2018, do 30 de outubro
  • Orde CNU/1209/2018, do 30 de outubro
  • Orde ECD/1076/2017, do 26 de outubro
  • Orde ECD/627/2017, do 16 de xuño
  • Orde ECD/607/2017, do 16 de xuño
  • Orde ECD/606/2017, do 16 de xuño
  • Orde ECD/129/2017, do 10 de febreiro
  • Orde ECD/102/2017, do 1 de febreiro
  • Orde ECD/103/2017, do 1 de febreiro
  • Orde ECD/1001/2016, do 10 de xuño
  • Orde ECD/798/2016, do 13 de maio
  • Orde ECD/799/2016, do 13 de maio
  • Orde ECD/1735/2015, do 7 de agosto
  • Orde ECD/1343/2015, do 18 de xuño

• Residentes que finalizaron a residencia antes da convocatoria de 2014. A tódolos residentes que acabaron a formación antes de maio de 2014, notificóuselles mediante carta a Orde de Nomeamento do seu título de especialista.

Prazo de presentación de solicitudes

• Dende o 15 de maio de 2020
• Ata o 15 de abril de 2021

As consultas sobre o procedemento poden realizarse por calquera dos medios dispoñibles na páxina de Información administrativa